我心中的美好世界

 

今晚是英格蘭對葡萄牙八強之戰，可惜輸咗係十二碼身上！

撫心自問，佢哋射十二碼確係差幾皮，尤其門將羅賓信，捉唔到路。

但身為一個英格蘭球迷，確係唔想接受呢個事實。

佢哋係五十幾分鐘已經十人應戰，但有超水準既表現，真係值得一讚！

加時三十分鐘都冇乜疲態，真係好厲害！

夏格維斯好勁，抵攞man of the match！

高治亦都踢得出色，只可惜唔夠人接應。

但很可惜入唔到四強！

什麼"衰敗尤榮"? 輸咗就係輸咗，呢句說話一啲意思都冇！

只可以講明年努力吧！

加油呀~~

 

p.s. 雲妮你都要加油呀，英格蘭仲有機會架！

前排睇咗本 ”君子雜誌”，有一篇文章想分享，但上網搵唔到copy，所以我只抽幾段有共鳴既出黎分享！(我將會打到手軟吧….)

 

“最佳損友” 歌詞中每一句都把由朋友而變成敵人的那份無奈和可惜的心情，描寫得淋漓盡致。

隨著人生的閱歷累積，就漸漸開始明白為何會發生這種事情。其實故事通常是這樣發展的 : 在你新相識一位朋友，經過一段時間的相處和了解後，當發覺無論在哪一方面，大家都彷彿完全志趣相投的時候，就會漸漸結為莫逆之交; 彼此做所有事情時都好像很有默契，不需多少言語解釋，只要一個眼神就會互相明暸對方的決定，無論面對什麼因難大家都是共同進退。

可是，時間既可催化這段友情成長，但亦可給它帶來磨蝕。由於人與人之間對事物的看法，壓根兒就有很多不完全相同的地方，又或者當年紀漸長，彼此的地位都提升了，在某些事情上總會從骨子裡希望抱持自我一套的看法和觀點，認定自己所決定或所做的是最好，對方都是這麼多年的戰友，好應該認同甚至順從自己的做法; 反而，在初時雙方努力建立的彼此包容和忍讓的心情和態度，都會慢慢失去，取而代之，就變成了互不信任、猜疑、挑剔和斤斤計較，去到最後，朋友關係就此黯然落幕。

“有沒有，確實也沒有，一直躲避的藉口，非甚麼大仇; 為何舊知己在最後，變不到老友? “…………..

又到我哋換証嘞！

換既時間俾我想像中快，三個字攪掂。

但張相就麻麻地啦，唉，失敗中既失敗！

21/4 就可以攞証嘞，好緊張呀，去旅行可以行E 道嘞，yeah~~

呢個msn spaces 隨住我個人一同發咗"毛"！

就係因為人生苦悶，都已經冇特別好寫。

依家只係期待下星期既台灣之旅，希望唔好落雨，出太陽啦！

期待呀~~~~

yeah... 終於踏入廿五歲。

今年的生日過得好充實，由同事為我攪的bbq 慶祝開始，直到現在還未結束  。

二十號的慶祝是我最最最期待的，因為可以同一大班朋友玩。玩既過程唔駛講，睇吓我個相薄就一清二楚啦！二十號晚由八時開始，直到第二日七時閉幕。之後我仲可以去做義工都算係咁 (雖然帶住個超級黑眼圈、滿身酒氣同唔清醒既狀態)。

而今日就請咗一日假去廸廸尼，雖然係weekday，但都超多人。

詳情留返下次先寫，瞓返個靚覺，準備聽日返工

頭先俾我個大b 兜道門撞落我隻左耳度，痛到喊咗出黎！

事原佢入黎我間房，跟住我就叫佢出返去啦，點知佢一轉身就跌倒，我好自然"嗚"低身抱佢。點知佢一手就將道門一手推埋，咁橋就撞落我隻左耳背，痛既程度唔識形容。後尾我就大叫媽咪，唉，我都知佢冇心，但佢成日好順手大力閂門。如果亞妹、細佬放隻手喺門縫度就一定斷手指，所以我哋都成日鬧，但佢哋又好似好得恴咁，真係好激氣。

唉....... 好慘呀~~